Ammavasai Yagam

பிப்ரவரி 15ல், பில்லி, சூன்யம், நோய், தரித்திரம் போன்றவை அகல அமாவாசை யாகம் நடைபெறுகிறது.

பில்லி, சூன்யம், நோய், தரித்திரம் போன்றவை அகலவும் இழந்த பதவி கிடைக்கவும். ஐஸ்வர்யம் பெருகவும். ராகு, கேது தோஷம் நீங்கவும் வாலாஜா ஸ்ரீதன்வந்திரி ஆரோக்ய பீடத்தில் வருகிற 15ஆம் தேதி (15.02.2018) செவ்வாய் கிழமை காலை 10.00 மணி முதல் 1.00 மணி வரை அமாவாசையை முன்னிட்டு நடக்க இருக்கிற மிளகாய் வற்றல் யாகம் வெகு விசேஷமானது. இதை மஹா உக்ர ப்ரத்யங்கிராதேவி ஹோமம் என்று சொல்லலாம். அதாவது ஸ்ரீப்ரத்யங்கிரா தேவிக்கு சிறப்பு அபிஷேகத்துடன் மஹா உக்ர ப்ரத்யங்கிராதேவி ஹோமம் நடைபெற உள்ளது. ஏராளமான தெய்வத் திருச்சந்நிதிகளைக் கொண்டிருக்கும் இந்த வாலாஜா ஸ்ரீதன்வந்திரி ஆரோக்ய பீடத்தில் சிறப்பு வாய்ந்த அன்னை ப்ரத்யங்கிராதேவிக்கும் 9அடி உயரத்தில் ஐஸ்வர்ய கலசத்துடன் சிறப்பு சந்நிதி ஏற்படுத்தப்பட்டு வழிபாடும் நடந்து வருகிறது. பக்தர்களின் நலன் கருதியும், உலக நலன் கருதியும் ஒவ்வொரு அமாவாசையில் சூலினி ப்ரத்யங்கிராதேவியை வணங்கும் வகையில் ‘நிகும்பலா யாகம்’ என்று சொல்லப்படும் மிளகாய் வற்றல் யாகம் நடைபெறுகிறது. இதில் கலந்து கொள்ளும் பக்தர்கள் தங்கள் வாழ்வில் உள்ள தடைகளை வென்று, ஸ்ரீப்ரத்யங்கிராதேவியின் பரிபூரண அருளைப் பெற்று வருகிறார்கள். எண்ணற்ற ஆதீனங்களும் மடாதிபதிகளும் ஆன்மிக அருளாளர்களும் வருகை புரிந்துள்ள வாலாஜா ஸ்ரீதன்வந்திரி ஆரோக்ய பீடத்தில் நடைபெறும் அமாவாசை யாகத்தில் மிளகாய் வற்றல், வேப்ப எண்ணெய், மிளகு, உப்பு, 108 வகையான மூலிகைகள், காய்கறி வகைகள், பழ வகைகள், இனிப்பு மற்றும் கார வகைகள், பூசணிக்காய்கள், பட்டுப் புடவை, பல வகையான புஷ்பங்கள், 27 நட்சத்திர தேவதைகளுக்கு உண்டான தாவரங்கள், நெய், தேன் என, இன்னும் திரவியங்கள் இந்த ஹோமத்தில் சமர்ப்பிக்கப்பட உள்ளன. ஆத்மார்த்தமாக இந்த யாகம் செய்யப்படும் இடத்தில் ஒரு துளி கமறல் கூட இருக்காது. இதுவரை வாலாஜா ஸ்ரீதவந்திரி ஆரோக்ய பீடத்தில் பல நூற்றுக்கணக்கான முறை இந்த யாகம் நடத்தியாகி விட்டது. சிறு குழந்தையில் ஆரம்பித்து வயதானவர்கள் வரை பலரும் இந்த ஹோமத்தில் பங்கேற்பார்கள். ஆனால், ஒருவருக்குக்கூட தும்மலோ, கமறலோ இருப்பதில்லை. இதுதான் அந்த ப்ரத்யங்கிரா தேவியின் மகிமை. அக்னியில் ஆத்மார்த்தமாக இட்டு ப்ரத்யங்கிராதேவிக்கு அர்ப்பணம் செய்யும்போது எவரிடமும் தும்மல், இருமல் இல்லாதிருப்பது ஆச்சரியத்திலும் ஆச்சரியம். ப்ரத்யங்கிரா ஹோமத்தில் பங்கெடுத்துக் கொள்வதால் என்னென்ன பலன்கள் ஏற்படுகின்றன? பில்லி, சூன்யம், நோய், தரித்திரம் போன்றவை அகலும். ஒருவரது முன்னேற்றத்துக்குத் தடையாக இருப்பது கண் திருஷ்டிதான். இது ஒரு வகை தோஷம். ஒருவருக்கு அதுவரை இருந்து வரும் சகல விதமான தோஷங்களும் அகலும். எதிரிகள் அச்சுறுத்தல், தொல்லை விரட்டப்படும். கடன் தொல்லை நீங்கி, வளமான வாழ்வு கிட்டும். கிரகங்களால் வரக் கூடிய தடைகள் ப்ரத்யங்கிராவின் அருளால் நீங்கி விடும். ராகு, கேது தோஷம், அகால மரணம், கண்டங்கள் போன்றவை நீங்கி விடும். திருமணத் தடை அகலும். உலக நலன் கருதி நடத்தப்படுவதால், வாழுகின்ற நாட்டுக்கோ நாட்டு மக்களுக்கோ சத்ரு பயம் ஏற்படாது. இழந்த பதவி கிட்டும். ஐஸ்வர்யம் பெருகும். ப்ரத்யங்கிரா ஹோமத்தில் பங்கெடுத்துக் கொள்வதன் மூலம் 64 வகையான சாபங்கள் நிவர்த்தி ஆவதாக ஆன்மிக நூல்கள் குறிப்பிடுகின்றன. இது போன்ற எண்ணற்ற இன்னல்கள் நீங்கி, வாழ்வில் வளம் பெற பக்தர்கள் அனைவரும் இந்த ஹோமத்திலும், இதற்கான நடத்தப்படுகிற சிறப்பு அன்னதானத்திலும் பங்கு கொண்டு பலன் பெற வேண்டும். வாருங்கள், அற்புதமான இந்தப் ப்ரத்யங்கிரா ஹோமத்தில் கலந்து கொண்டு அந்த தேவியின் அருளைப் பெறுங்கள்!Tamil version

Diyas Images
 
Diyas Images
 
Diyas Images