வேலூர் மாவட்டம் வாலாஜாபேட்டை ஸ்ரீ தன்வந்திரி ஆரோக்ய பீடத்தின் ஸ்தாபகர் மற்றும் பீடாதிபதி “யக்ஞஸ்ரீ கயிலை ஞானகுரு” டாக்டர் முரளிதர ஸ்வாமிகளின் 58 வது ஜெயந்தி விழாவை முன்னிட்டு நாளை 03.01.2019 வியாழக்கிழமை முதல் 03.03.2019 ஞாயிற்றுக்கிழமை வரை கோடி ஜப காலபைரவர் ஹோமத்துடன் ஆரோக்யம், ஐஸ்வர்யம் தரும் 58 யாகங்கள் நடைபெற உள்ளது. பக்தர்கள் அனைவரும் தினசரி காலை முதல் மாலை வரை நடைபெறும் மேற்கண்ட யாகத்தில் கலந்து கொண்டு திருவருளுடன் குருவருள் பெற பிரார்த்திக்கின்றோம்.

நாளை காலை 6.00 மணிக்கு கோபூஜை, 6.30 மணிக்கு திருப்பாவை, திருவெம்பாவை, 7.00 மணிக்கு வேத பாராயணம், 8.00 மணிக்கு ஸ்ரீ விநாயகர் தன்வந்திரி திருமஞ்சனம், 10.00 மணிக்கு மஹா கணபதி ஹோமம், மஹா தன்வந்திரி ஹோமம், ஸ்ரீ ஆரோக்யலக்ஷ்மி ஹோமம், நவக்கிரக ஹோமம், ஸ்ரீ காலபைரவர் கோடி ஜப ஹோமம் ஆரம்பம், 12.00 மணிக்கு மஹா பூர்ணாஹுதி, 12.30 மணிக்கு கும்ப ப்ரோக்ஷணம், மஹா தீபாராதனை, பிரசாத வினியோகம். இந்த தகவலை தன்வந்திரி குடும்பத்தினர் தெரிவித்தனர்.